2021年3月30日 星期二

❤搵食地圖❤旺角串Grill 自助燒烤專門店 (廣華街)

                                             ❤搵食地圖❤串Grill 自助燒烤專門店 (廣華街) 

今日在附近開工,就同朋友去睇下附近有咩好食 見到有120分鐘任飲任食燒烤,時間啱啱好,就諗都唔諗即刻去訂位,訂位嘅時候好好彩,啱啱好有位 

提醒大家,食完之後見佢等位等到人山人海,大家去之前記得要訂位呀

我們5:30入場,時間啱啱可以食到最抵價,正正

佢裝修設計幾有現代工業風嘅感覺,

坐位都闊落,但是枱數就唔多,所以記得訂位呀。

去到嘅時候店員已經為我們準備左一個tea set架,

上面已經放好咗唔同嘅肉類,因為我哋未食過,所以店員很細心咁為我哋介紹烤肉嘅方法

 

唔同種類嘅肉類放埋一齊,個樣真係好吸引。

第一件事就梗係將烤肉放曬上個燒烤架上面先


 

每個食物都有建議嘅燒烤時間,大家可以做個參考。

基本上對於平時唔煮開野食嘅我嚟講,如果唔跟住,我就真係變咗燒牛乾

一面燒,一面睇下有咩醬汁先。

佢嘅醬料都好齊全


有孜然粉同味椒鹽


仲有海鹽,海鹽肉類真係一絕,
另外仲有自家制辣粉


韓式梨汁燒烤醬,呢個醬汁味道帶少少甜味,又有梨嘅清甜味道,可以中和燒烤肉類嘅油膩感,我個人幾鍾意


泰式魚露

 

佢連濕紙巾都設計得好有心思,令人會心一笑

燒烤嘅種類都算多,有丸類同腸類,肉類,有蔬菜類,仲有甜品

佢推介嘅肉類好正

雞蛋仔我都係第一見,好特別。

同埋燒烤嘅時候,一定會好想食嘅棉花糖

唔係間間都有,真係好正,係心理上嘅滿足




佢個燒烤架係你將嗰個竹籤放喺嗰個齒輪嘅地方,咁佢就會自己幫你轉,一邊烤肉一邊轉住,一邊烤咁,我哋唔需要自己喐手燒,等食嘅時候,就可以做其他嘢啦,安心傾計


呢個係燒烤醬


燒到咁上下加埋個燒烤醬,你有見到啲肉汁必曬出嚟,見到就好想食。



燒烤,肉汁再加孜然粉個感覺,完全係食緊出面嘅大師級製作呀


我第一次燒烤嘅作品出爐啦,
咬落去肉質鮮嫩又多汁。
廚藝唔錯。


燒好左又未食得嘅,可以放住喺上面個架先,咁就唔洗食到手忙腳亂啦,真係好方便
 
 

用完嘅燒烤簽可以擺返落個桶度


 

一口甜薯同埋菠蘿真係超正,原條新鮮菠蘿上,清甜解油膩,我絕對無限 encore ,已經唔記得第幾轉,唔記得自己到底食咗幾多條,總之超正


雞蛋仔真係有驚喜,我都係第一次自己燒雞蛋仔,見到佢慢慢脹起變成脆卜卜,個感覺真係好有成就感



燒烤有棉花糖就真係好正,棉花糖絕對係燒烤必備。呢種情懷,去過BBQ嘅人先會明白。
絕對係係燒烤入面 一個最完美嘅句號。
燒到表皮脆卜卜,食落去個心軟淋淋,真係好正

佢飲品種類都好豐富,有兩個雪櫃畀你揀,有樽裝有罐裝,選擇都多。


 

燒完一餐熱辣辣嘅燒肉,最後嚟一個驚喜嘅haagen dazs雪糕。將之前食咗嘅油膩感覺一次過帶走,為美好嘅一日畫上一個完美嘅感嘆號。

2021年3月17日 星期三

❤搵食地圖❤台灣美食--九份飽 (蜆殼街)

 

 ❤搵食地圖❤台灣美食--九份飽 (蜆殼街)

同朋友行過北角,朋友話呢間網上好多人提,想去試試

咁耐冇得去旅行,我都真係好掛住台灣D美食

見到佢個設計同台灣都有D似

都可以解解我對去唔到台灣旅行既怨念

佢個整體設計都好台灣既感覺

快子都有包好,感覺衛生


食得台灣野, 滷肉飯就一定要食
佢有大有細可以選擇,感覺大同細唔係差太多,又唔係好肚餓,所以同朋友share食試下
比我睇睇下,見到香酥雞扒滷肉飯,都係差5蚊
咁梗係食呢個又平又抵食

主食可以加10蚊有野飲,不過就冇珍珠奶茶。。。可惜
配珍珠奶茶要原價。。。


咁個飯到左都好大碗,香酥雞扒都真係幾好食
表面酥脆,雞肉嫩滑,味道又唔會太濃,感覺啱啱好

滷肉飯D汁幾香,D肉有肥有瘦,感覺適中又唔太油
不過可能係'雙拼',滷肉,同汁份量唔多,唔夠撈哂個飯,下次餓少少,可能分開叫好D


苿香珍珠奶茶,店員都有問我要唔要少甜,但我都係鍾意原味,甜度係10
不過飲落覺得唔係好甜,有香味,唔會飲2啖就飽左,珍珠偏軟身,但有口感,唔會咬到好累


芋頭奶茶,感覺都唔錯

總括黎講,有驚喜,味道同環境都有台灣既感覺,下次會試多D其他野

♥關於兔兔子♥ 


♥兔兔子♥多年來一直從事各類型美容化妝工作,熱衷於同大家分享美容化妝、修身美食、寵物、旅遊及整理生活等等! 喜歡分享,熱愛生活,和大家一起做最好的自己♥ 歡迎聯絡試用、試食或出席活動事宜 Email:xsbunny313@gmail.com

FB:兔兔子的後花園

IG:兔兔子的後花園